Uttrykket "I front saman med landbruksnæringa" skal kjenneteikna samarbeidet vårt om landbruks- og naturbasert næringsutvikling. Nordnorsk landbruk er i utvikling, og må vera minst like vitalt og robust som næringa i resten av landet. Gjennom Nordnorsk Kompetansesenter Holt i Tromsø skal Bioforsk Nord leggja til rette for utvikling og nyskaping.

På alle område der det er råd for å bringa landbruket framover, ønskjer vi å gjera ein innsats saman med næringa. Konkret vert dette gjort ved at vi organiserer og gjennomfører prosjekt i fellesskap. Aktiviteten er retta mot både tradisjonelt landbruk og ny næringsverksemd på garden. Vi har oversikt og nettverk som gjer oss i stand til å innhenta og formidla kompetanse på alle felt som har med landbruket å gjera. På område der det er behov for ny kunnskap set vi i gang forsking.